పురుష ఆరోగ్య కార్యకర్త విధులు తెలుగులో...

MPW పథకం ప్రకారం, ప్రతి ఉప-కేంద్రంలో ప్రతి 5,000 (గిరిజన మరియు కొండ ప్రాంతాలలో 3,000) జనాభాకు ఒక పురుష ఆరోగ్య కార్యకర్త మరియు ఒక స్త్రీ ఆరోగ్య కార్యకర్త నియమించడం జరుగుతుంది. ఆరోగ్య కార్యకర్త (మగ) వారు ప్రతి కుటుంబాన్ని పక్షం (15) రోజులకు ఒకసారి సందర్శిస్తారు. MPHW (మగ) ప్రధానంగా వ్యాధి నియంత్రణ కార్యక్రమాలు, అంటువ్యాధుల నివారణ మరియు నియంత్రణ, పర్యావరణ పారిశుధ్యం, సురక్షితమైన తాగునీరు, ప్రమాదాలు, గాయాలు, కాలిన గాయాలు వంటి అత్యవసర పరిస్థితుల్లో ప్రథమ చికిత్స, సాధారణ / చిన్న అనారోగ్యాల చికిత్సకు సంబంధించిన కార్యకలాపాలపై పనిచేస్తారు. కమ్యూనికేషన్ మరియు కౌన్సెలింగ్, వంసపారంపర్యంగా జీవన అలవాట్లను బట్టి వచ్చే వ్యాధులు మరియు ఉప కేంద్రంలో సరఫరా చేసే వస్తువులు మరియు మందుల నిర్వహణ చూడాలి. అదనంగా, MPHA (F) కూ సహాయంగా MPHW (మగ) MCH, కుటుంబ సంక్షేమం మరియు పోషకాహార సంబంధిత కార్యకలాపాలలో పని చేస్తాడు. సంస్థాగత మరియు క్షేత్రస్థాయిలో MPHW (మగ) శిక్షణను అంచనా వేయడంలో తగిన ప్రాముఖ్యత ఇవ్వాలి.

వివిధ జాతీయ ఆరోగ్య కార్యక్రమాలకు MPHA (మగ) విధులు:

1. మలేరియా

1.ప్రతి కుటుంబం నుండి, MPHA (మగ) క్రింది వాటి గురించి విచారించాలి

a. ఏదైనా జ్వరం కేసుల ఉనికి.

b. అతని పక్షం రోజుల సందర్శనల మధ్య కుటుంబంలో ఏదైనా జ్వరం కేసు ఉందా.

c. ఏదైనా అతిథి కుటుంబానికి వచ్చి జ్వరం వచ్చిందా.

d. తన పక్షం రోజుల సందర్శనల మధ్య జ్వరం వచ్చిన కుటుంబ సభ్యులెవరైనా గ్రామాన్ని విడిచిపెట్టారా.

2. MPHA (మగ) జ్వరం ఉన్న లేదా జ్వరం యొక్క చరిత్రను కలిగిన వ్యక్తుల నుండి ఒక గ్లాస్ స్లైడ్‌లో మందపాటి మరియు సన్నని బ్లడ్ స్మీయర్ లను సేకరించి MF-2 ఫారంలో వివరాలను నమోదు చేసి అందులోనుండి స్లైడ్‌ పైన తగిన క్రమ సంఖ్యను వేయాలి.

3. బ్లడ్ స్మీయర్ సేకరించిన తర్వాత అతను మలేరియాకు ముందస్తు చికిత్సను ప్రారంభించాలి. ముందు జాగ్రత్త చర్యలుగా చేసే చికిత్సకు సంబంధించి సూచనలను NVBDCP ప్రకారం ఉండేలా MPHA (మగ) పాటించాలి.

4. MPHA (మగ) తన పక్షం (15) రోజుల గ్రామ సందర్శనలో గ్రామంలోని ASHA ని కలసి

1. (i). ASHA అప్పటికే గ్రామంలో తీసుకున్న రక్త పూతలను సేకరించాలీ,

2. (ii). MF ‐2 ఫారంలో లోని ప్రతి జ్వరం కేసు వివరాలను సేకరించాలి,

3. (iii). ASHA వాడిన మందులు మరియు గ్లాస్ స్లైడ్‌లను తిరిగి నింపాలి మరియు యాంటీ మలేరియా ఔషధాల వినియోగాన్ని లిక్కించి వాడినవాటిని మరల నింపాలి.

4. MPHA (మగ) గ్రామంలోని ASHA / సబ్ సెంటర్ లోని MPHA (F) నుండి సేకరించిన MF-2 తో పాటు వారంలో రెండుసార్లు పిహెచ్‌సి ప్రయోగశాలకు తన సందర్శనలో సేకరించిన రక్త పూతలను పంపాలి లేదా మెడికల్ ఆఫీసర్ ఆదేశాల మేరకు రక్తపూతలను‌లను PHCకి పంపించాలి.

5. MPHA (మగ) తన సందర్శన సమయంలో ASHA చేత నిర్వహించబడే ముందస్తు చికిత్సను అతను ధృవీకరించాలి.

6. MPHA (మగ) నిర్దేశించిన షెడ్యూల్ ప్రకారం మరియు పిహెచ్‌సి మెడికల్ ఆఫీసర్ జారీ చేసిన సూచనల ప్రకారం సానుకూల కేసులకు రాడికల్ చికిత్సను అందించాలి మరియు ప్రిమాక్విన్‌తో రాడికల్ చికిత్స పొందుతున్న రోగిలో విషపూరిత వ్యక్తీకరణలు గమనించినట్లయితే చర్య తీసుకోవాలి.

7. MPHA (మగ) ఇచ్చిన ముందస్తు స్ప్రే ప్రోగ్రాం ఆధారంగా స్ప్రే తేదీకి సంబంధించి ప్రతి ఇంటిని ముందుగానే తెలియజేయాలి మరియు గ్రామస్తులకు పురుగుమందుల పిచికారీ యొక్క ప్రయోజనాన్ని ఏకకాలంలో వివరించాలి.

8. MPHA (మగ) తనకు కేటాయించిన గ్రామంలో ASHAని సంప్రదించి, స్ప్రే తేదీలను ఆమెకు తెలియజేయాలి మరియు సమాజంలో ప్రజలను ప్రోత్సహించమని మరియు స్ప్రే కార్యకలాపాలను అంగీకరించడానికి వారిని సిద్ధం చేయమని తెలుపాలి.

9. స్ప్రేయింగ్ కార్యకలాపాలను పర్యవేక్షించడంలో మరియు ఫీల్డ్ స్ప్రేయింగ్ సిబ్బందికి శిక్షణ ఇవ్వడంలో హెల్త్ సూపర్‌వైజర్ (మగ) వారికి సహాయం చేయాలి.

2. కాల అజార్ (బ్లాక్ ఫీవర్) ఎండెమిక్

1. ప్రతి కుటుంబం నుండి MPHA (మగ) వీటి గురించి విచారించాలి:

(a). 15 రోజుల కన్నా ఎక్కువ జ్వరం వున్న వ్యక్తులు ఉండటం.

(b). సాధారణ సందర్శనల సమయంలో గుర్తించిన జ్వరం కేసులను మరియు మలేరియా నిరోధక మందులకు స్పందించని వ్యక్తులను గుర్తించాలి.

(c). కాలా- అజార్ తో భాద పడే ఎవరైనా అతిథి కుటుంబానికి వచ్చి వెళ్ళడా గుర్తించాలి.

(d). 15 రోజుల కన్నా ఎక్కువ జ్వరం ఉన్న కుటుంబ సభ్యుడు / అతిథి ఎవరైనా గ్రామాన్ని విడిచిపెట్టారా గుర్తించాలి.

2. MPHA (మగ) అనుమానిత కాల-అజార్ కేసులను మెడికల్ ఆఫీసర్ నిర్ధారణ కొరకు మరియు చికిత్స కోసం సమీప రోగ నిర్ధారణ మరియు చికిత్స కేంద్రానికి (ప్రాథమిక ఆరోగ్య సంరక్షణ కేంద్రం లేదా కమ్యూనిటీ హెల్త్ సెంటర్) కు పంపించాలి.

3. MPHA (మగ) అలాంటి అన్ని (కాల-అజార్) కేసుల రికార్డును బద్రం చేసి ఉంచాలి మరియు నెలవారీ సమావేశంలో లేదా సందర్శన సమయంలో MPHS ద్వారా కాల-అజార్ రోగ నిర్ధారణ గురించి పిహెచ్‌సికి ధృవీకరించాలి.

4. MPHA (మగ) తన ప్రాంతంలోని అన్ని కాలా అజార్ కేసుల జాబితాను ఫాలో అప్ కోసం తీసుకువెల్లాలి మరియు పూర్తి చికిత్స యొక్క ప్రణాలికను సిద్డంచేసుకోవాలి.

5. MPHA (మగ) తన ప్రాంతంలో స్ప్రే కార్యకలాపాల సమయంలో సహాయం చేయాలి.

6. MPHA (మగ) సరైన చార్టులు మొదలైన వాటిని తీసుకొని ఇంటర్ పర్సనల్ కమ్యూనికేషన్ ద్వారా అన్ని ఆరోగ్య విద్య (Health Education) కార్యకలాపాలను నిర్వహించాలి మరియు ఆరోగ్య పర్యవేక్షకులు (MPHS) మరియు ఇతర కార్యకర్తలకు వారి ఆరోగ్య విద్యా కార్యకలాపాలలో సహాయం చేయాలి.

3. జపనీస్ ఎన్సెఫాలిటిస్ (J.E)

1. ప్రతి కుటుంబం నుండి, ఎన్సెఫాలిటిక్ లక్షణాలతో ఏదైనా జ్వరం కేసులు ఉన్నాయా అని MPHA (మగ) విచారించాలి.

2. MPHA (మగ) ఎన్సెఫాలిటిక్ లక్షణాలతో వున్నా అనుమానిత కేసులను మెడికల్ ఆఫీసర్ నిర్ధారణ మరియు చికిత్స కోసం సమీప డయాగ్నొస్టిక్ అండ్ ట్రీట్మెంట్ సెంటర్ (ప్రైమరీ హెల్త్ కేర్ సెంటర్ లేదా కమ్యూనిటీ హెల్త్ సెంటర్) కు పంపించాలి.

3. MPHA (మగ) ఎన్సెఫాలిటిక్ లక్షణాలతో వున్న అన్ని కేసుల రికార్డును బద్రపరచాలి మరియు నెలవారీ సమావేశంలో లేదా MPHA (మగ) గ్రామాన్ని సందర్శనచేయు సమయంలో హెల్త్ సూపర్‌సైజర్ (M) ద్వారా వారి రోగ నిర్ధారణ గురించి పిహెచ్‌సి వచ్చిన రిపోర్టు ఎన్సెఫాలిటిక్ లక్షణాలతో ఉన్నవారికి తెలియచేయాలి.

4. ఫాలో అప్ కోసం MPHA (మగ) తన ప్రాంతంలోని అన్ని J.E. కేసుల జాబితా ప్రకారం తీసుకువెళ్ళాలి.

5. MPHA (మగ) తన ప్రాంతంలో స్ప్రే కార్యకలాపాల సమయంలో సహాయం చేయాలి.

6. MPHA (మగ) సరైన ఆరోగ్య చిత్రపటాలు మొదలైన వాటి ద్వారా ఇంటర్ పర్సనల్ కమ్యూనికేషన్ ద్వారా అన్ని ఆరోగ్య విద్యా కార్యకలాపాలను నిర్వహించాలి మరియు ఆరోగ్య పర్యవేక్షకుడు (MPHS) మరియు ఇతర ఆరోగ్య కార్యకర్తలకు వారి ఆరోగ్య విద్య (Health Education) కార్యకలాపాలలో సహాయం చేయాలి.

4. సంక్రమణ / అంటు (కమ్యూనికబుల్) వ్యాధులు.

1. విరేచనాలు, నీళ్ళ విరేచనాలు, దద్దుర్లు, కామెర్లు, ఎన్సెఫాలిటిస్, డిఫ్తీరియా, వూఫింగ్ దగ్గు, టెటానస్, పోలియోమైలిటిస్, నియోనాటల్ టెటానస్, తీవ్రమైన కంటి ఇన్ఫెక్షన్లను గుర్తించి ఆ కేసుల గురించి వెంటనే హెల్త్ సూపర్‌వైజర్ మరియు M.O పిహెచ్‌సికి తెలియచేయాలి.

2. హెల్త్ సూపర్‌వైజర్ (మగ) వచ్చే వరకు నియంత్రణ చర్యలను నిర్వహించాలి మరియు కమ్యునికబుల్ వ్యాధుల నియంత్రణ చర్యలను చేయడంలో హెల్త్ సూపర్‌వైజర్ (మగ) కి సహాయంచేయాలి.

3. విరేచనాలు / విరేచనాలు / వాంతులు వంటి అన్ని కేసులకు ఓరల్ రీహైడ్రేషన్ ద్రావకం ఇవ్వాలి. ఓరల్ రీహైడ్రేషన్ ద్రావకం ఇంటిలో చేసుకునే పద్దతులు నేర్పించాలి.

4. సంక్రమణ వ్యాధిల నియంత్రణ మరియు నివారణ చర్యల యొక్క ప్రాముఖ్యత గురించి మరియు క్రమమైన మరియు పూర్తి చికిత్స గురించి వాటిపై అపోహల గురించి సమాజానికి అవగాహన కల్పించాలి.

5. జననేంద్రియ గొంతు లేదా మూత్ర విసర్జన లేదా శరీరంపై దురద లేని దద్దుర్లు ఉన్న కేసులను గుర్తించి మెడికల్ ఆఫీసర్‌కు చూపడం కొరకు పంపాలి.

6. కంటిశుక్లం యొక్క అనుమానాస్పద కేసులతో సహా అంధత్వం యొక్క అన్ని కేసులను గుర్తించి పిహెచ్‌సి కి పంపించాలి

7. వీధి కుక్కల ఎక్కువ వుంటే వాటి ఉనికిని హెల్త్ సూపర్‌వైజర్ (మగ)వారికి తెలియచేయాలి మరియు వీధి కుక్కలను నాశనం చేయడంలో హెల్త్ సూపర్‌వైజర్ (మగ)వారికి సహాయచేయాలి.

5. లెప్రసీ (కుష్టువ్యాది)

1. స్కిన్ పాచెస్ (తెల్లని పొడ మచ్చలు) వున్న వ్యక్తులను గుర్తించాలి, ప్రత్యేకించి స్పర్స కోల్పోతే ఆ కేసుల నుండి స్కిన్ స్మెర్స్ తీసుకోవాలి. ఆ కేసులను పిహెచ్‌సి M.O. కి తదుపరి దర్యాప్తు కోసం పంపాలి.

2. కుష్టు వ్యాధి చికిత్సలో ఉన్న అన్ని కేసులు క్రమం తప్పకుండా చికిత్స తీసుకుంటున్నాయో లేదో తనిఖీ చేయాలి. క్రమం తప్పకుండా చికిత్స తీసుకోవడానికి డిఫాల్టర్‌ను ప్రేరేపించాలి మరియు డిఫాల్టర్‌ను హెల్త్ సూపర్‌వైజర్ (మగ)వారి దృష్టికి తీసుకువెళ్ళాలి.

6. క్షయవ్యాధి

1. ముఖ్యంగా జ్వరం ఉన్న వ్యక్తులను, 15 రోజులు మరియు అంతకంటే ఎక్కువ కాలం పాటు దగ్గు లేదా రక్తం ఉమ్మివేయడం వంటి లక్షణాలు వున్నా వ్యక్తులను గుర్తించాలి మరియు ఈ వ్యక్తుల నుండి కఫం స్మెర్స్ తీసుకోవాలి. తదుపరి పరీక్షలు / చికిత్సల కోసం ఈ కేసులను M.O PHC కి పంపించాలి.

2. క్షయవ్యాధి చికిత్సలో ఉన్న అన్ని కేసులు క్రమం తప్పకుండా చికిత్స తీసుకుంటున్నాయో లేదో తనిఖీ చేయాలి. క్రమం తప్పకుండా చికిత్స తీసుకోవడానికి డిఫాల్టర్లను ప్రేరేపించాలి మరియు డిఫాల్టర్‌ను హెల్త్ సూపర్‌వైజర్ (మగ)వారి దృష్టికి తీసుకువెళ్ళాలి.

3. క్షయవ్యాధి కార్యక్రమం యొక్క వివిధ ఆరోగ్య విద్య అంశాలపై సమాజానికి అవగాహన కల్పించాలి.

4. టిబి ప్రోగ్రాం కింద కార్యకలాపాలను సక్రమంగా చేపట్టడానికి గ్రామంలోని ASHAలకు సహాయం చేయాలి. ఒక గ్రామంలో నివసిస్తున్న టిబి రోగి యొక్క జాబితాను గ్రామంలోని ASHA అందించాలి, తద్వారా ASHAలు సాధారణ చికిత్స తీసుకోవడంలో టిబి రోగిని మరింత ప్రేరేపించగలరు.

7. ఎన్విరోన్మెంటల్ సానిటేషన్ (పరిసరాల పరిశుభ్రత)

1. బావులతో సహా ప్రజా నీటి వనరులను క్రమం తప్పకుండా క్లోరినేట్ చేయాలి.

2. సమాజానికి ఈ క్రింది వాటిపై అవగాహన కల్పించాలి

(a). ద్రవ వ్యర్ధాలను పారవేసే పద్ధతి;

(b). ఘన వ్యర్ధాలను పారవేసే పద్ధతి;

(c). ఇంటి పారిశుధ్యం;

(d). శానిటరీ రకం లాట్రిన్ల ప్రయోజనం మరియు ఉపయోగం;

(e). పొగలేని చుల్హాస్ నిర్మాణం మరియు ఉపయోగం.

8. యూనివర్సల్ ఇమ్యునైజేషన్ ప్రోగ్రామ్

1. హెల్త్ వర్కర్ (ఫిమేల్) సహకారంతో తన ప్రాంతంలోని శిశువులు మరియు పిల్లలందరికీ డిపిటి వ్యాక్సిన్, ఓరల్ పోలియోమైలిటిస్ వ్యాక్సిన్, మీజిల్స్ వ్యాక్సిన్ మరియు బిసిజి వ్యాక్సిన్ ఇవ్వాలి.

2. గర్భిణీ స్త్రీలందరికీ టెటనస్ టాక్సాయిడ్ ఇవ్వడంలో ఆరోగ్య కార్యకర్త స్త్రీ కి సహాయం చేయాలి.

3. పాఠశాల రోగనిరోధకత కార్యక్రమంలో హెల్త్ సూపర్‌వైజర్ (మగ & ఆడ) ఆరోగ్య కార్యకర్త (ఆడ) వారికి సహాయం చేయాలి.

4. వివిధ సంక్రమణ వ్యాధుల నుండి రోగనిరోధకత యొక్క ప్రాముఖ్యత గురించి సమాజంలోని ప్రజలకు అవగాహన కల్పించాలి.

9. డయేరియా కంట్రోల్ ప్రోగ్రామ్

1. విరేచనాల నివారణ పై, ఇంటి నిర్వహణపై సమాజానికి అవగాహన కల్పించాలి

2. అతిసార వ్యాధి వ్యాప్తి చెందుతున్నట్లు అనిపిస్తే M.O. PHC వ్యాప్తిని నివేదించాలి.

3. త్రాగునీటి క్లోరినేషన్ వంటి చర్యలు చేపట్టాలి.

4. సరైన పారిశుధ్యం నిర్వహించాలి.

5. లెట్రిన్ల వాడకాన్ని ప్రోత్సహించాలి.

10. కుటుంబ నియంత్రణ కార్యక్రమం

1. కుటుంబ నియంత్రణ కార్యక్రమానికి అర్హతగల జంట (Eligible Couple) మరియు పిల్లల రిజిస్టర్ నుండి సమాచారాన్ని ఉపయోగించుకోవాలి.

2. కుటుంబ నియంత్రణ ఆవశ్యకతను అర్హతగల జంటలకు తెలియచేయాలి మరియు గ్రామంలో వ్యక్తిగతంగా మరియు సమూహాలలో కుటుంబ నియంత్రణ కోసం వారిని ప్రేరేపించాలి.

3. అర్హతగల జంటలకు సంప్రదాయ గర్భనిరోధక మందులను పంపిణీ చేయాలి.

4. అవసరమైతే స్టెరిలైజేషన్ ఆపరేషన్ కొరకు అంగీకరించేవారికి సేవలను పొందడంలో సౌకర్యాలు కల్పించండి మరియు స్టెరిలైజేషన్ ఆపరేషన్ కొరకు అంగీకరించేవారితో పాటు లేదా పిహెచ్‌సి / ఆసుపత్రికి ASHA తో పాటు రావడానికి ఏర్పాట్లు చేయలి.

5. మగ కుటుంబ నియంత్రణ (Vasectomy) అంగీకరించేవారికి ఫాలో అప్ - సేవలను అందించాలి, వేసేక్టమి చేయించుకున్న వారిలో దుష్ప్రభావాలను గుర్తించాలీ, దుష్ప్రభావాలు మరియు చిన్న ఫిర్యాదులకు అక్కడికక్కడే చికిత్స ఇవ్వాలి మరియు అవసరమైన కేసులను వైద్యుడి దృష్టికి పిహెచ్‌సి / ఆసుపత్రికి పంపించండి.

6. కుటుంబ నియంత్రణ కు అంగీకరించేవారు, గ్రామ నాయకులు, ఆశా, ఉపాధ్యాయులు మరియు ఇతరులతో సత్సంబందాలు పెంచుకోండి మరియు కుటుంబ సంక్షేమ కార్యక్రమాలను ప్రోత్సహించడానికి వాటిని ఉపయోగించుకోండి.

7. గ్రామంలో మగ డిపో హోల్డర్లను ఏర్పాటు చేయాలి. వారందరికీ శిక్షణ ఇవ్వడంలో ఆరోగ్య పర్యవేక్షకుడు (మగ) మరియు (ఆడ) వారికి సహాయం చేయాలి. డిపో హోల్డర్లకు సాంప్రదాయిక గర్భనిరోధక మందుల నిరంతర సరఫరాను అందించండి.

8. తన ప్రాంతంలోని ప్రతి గ్రామంలోని మగ సంఘ నాయకులను గుర్తించాలి వారికి అవగాహన కల్పించాలి.

9. కుటుంబ సంక్షేమ కార్యక్రమాలలో సమాజంలోని నాయకులకు శిక్షణ ఇవ్వడంలో హెల్త్ సూపర్‌వైజర్ మగవారికి సహాయం చేయండి.

10. వేసేక్టమికి అంగీకరించేవారికి ఫాలో-అప్ సేవలను అందించండి మరియు MPHA(F)ల అర్హతగల జంట రిజిస్టర్ ఆధారంగా స్టెరిలైజేషన్ మరియు స్పేసింగ్ పద్ధతుల కోసం మగవారిని ప్రోత్సహించాలి.

11. అర్హతగల జంటలకు సంప్రదాయ గర్భనిరోధక మందుల పంపిణీలో MPHA(F) లు మరియు ASHA లకు సహాయం చేయండి.

11. వైద్య పద్దతుల ద్వారా గర్భ విచ్చినం (MTP)

1. వైద్య పద్దతుల ద్వారా గర్భం యొక్క విచ్చినం కోసం సహాయం అవసరమయ్యే మహిళలను గుర్తించాలి, వారిని సమీప ఆమోదిత ఆసుపత్రికి చూపించండి మరియు ఆరోగ్య కార్యకర్త (స్త్రీ)కి తెలియజేయండి.

2. గర్భం యొక్క వైద్య రద్దు కోసం సేవల లభ్యతపై సమాజానికి అవగాహన కల్పించాలి.

12. ఆరోగ్య విద్య

1. మాతా, శిశు ఆరోగ్య సేవల లభ్యత గురించి సమాజానికి అవగాహన కల్పించండి మరియు సౌకర్యాలను ఉపయోగించుకునేలా వారిని ప్రోత్సహించండి.

13. న్యూట్రిషన్

1. తన ప్రాంతాలలో శిశువులు మరియు చిన్న పిల్లలలో (జీరో నుండి ఐదేళ్ల వరకు) పోషకాహార లోపం ఉన్న పిల్లలలను గుర్తించండి, అవసరమైన చికిత్స మరియు సలహాలు ఇవ్వండి లేదా అనుబంధ ఆహారం కోసం అంగన్‌వాడికి పంపించండి మరియు తీవ్రమైన కేసులను ప్రాథమిక ఆరోగ్య కేంద్రానికి పంపించండి.

2. సున్నా నుండి ఐదేళ్ల పిల్లలకు, గర్భిణీ మరియు తల్లులు మరియు కుటుంబ నియంత్రణ అంగీకరించేవారికి సూచించిన విధంగా ఐరన్ మరియు ఫోలిక్ యాసిడ్ పంపిణీ చేయాలి.

3. ఒక సంవత్సరం నుండి ఐదు సంవత్సరాల వరకు పిల్లలకు సూచించిన ప్రకారం విటమిన్ ఎ ద్రావణాన్ని ఇవ్వాలి.

4. స్థానికంగా లభించే ఆహారాల నుండి తల్లులు మరియు పిల్లలకు పోషకమైన ఆహారం గురించి సమాజానికి అవగాహన కల్పించాలి.

14. కీలకమైన సంఘటనలు (Vital Events)

1. MPHA (మగ) తన ప్రాంతంలో సంభవించే జననాలు మరియు మరణాల గురించి ఆరా తీయాలి, వాటిని జననాలు మరియు మరణాల రిజిస్టర్‌లో రికార్డ్ చేయాలి మరియు స్థానిక ప్రాంత జనన, మరణ రిజిస్టర్‌కు తెలియజేయాలి.

2. జననాలు మరియు మరణాల నమోదు యొక్క ప్రాముఖ్యతపై సమాజానికి అవగాహన కల్పించాలి.

14. ప్రైమరీ మెడికల్ కేర్

1. చిన్న రోగాలకు చికిత్స అందించాలి. ప్రమాదాలు మరియు అత్యవసర పరిస్థితులకు ప్రథమ చికిత్స అందించాలి మరియు అతని సామర్థ్యానికి మించిన కేసులను ప్రాథమిక ఆరోగ్య కేంద్రానికి లేదా సమీప ఆసుపత్రికి సూచించాలి.

15. రికార్డ్ ల బధ్రత చేయండం.

1. MPHA (మగ) తన ప్రాంతంలోని అన్ని కుటుంబాలను సర్వే చేయాలి మరియు గ్రామాల కోసం చిత్ర పటాలు సిద్ధం చేయాలి / నిర్వహించాలి.

2. కుటుంబ మరియు గ్రామ రికార్డులను ఉపయోగించుకోవాలి, నిర్వహించాలి.

3. హెల్త్ వర్కర్ ఫిమేల్ సహాయంతో అర్హతగల జంట మరియు పిల్లల రిజిస్టర్‌ను సిద్ధం చేసి, దానిని తాజాగా నిర్వహించాలి.

4. క్షయ మరియు కుష్టు వ్యాధికి చికిత్స పొందుతున్న అతని ప్రాంతంలో కేసుల రికార్డును నిర్వహించాలి.

5. హెల్త్ సూపర్‌వైజర్ మగవారికి ఆవర్తన నివేదికలను సకాలంలో తయారు చేసి సమర్పించాలి.

6. పిహెచ్‌సి సజావుగా నడవడానికి మరియు గ్రామీణ పౌరుల ఆరోగ్య అవసరాల దృష్ట్యా ఏదైనా ఇతర పిహెచ్‌సి / సబ్ సెంటర్ పనిని మెడికల్ ఆఫీసర్ పిహెచ్‌సి కేటాయించవచ్చు.

16. పాఠశాల ఆరోగ్యం పోషకాహారం.

1. కేటాయించిన ప్రాంతంలోని అన్ని పాఠశాలలను సందర్శించాలీ మరియు వ్యక్తిగత పరిశుభ్రత, పోషణ, సురక్షితమైన తాగునీరు మరియు పారిశుధ్యం మరియు ఇతర ప్రజారోగ్య చర్యలను సూచించాలి.

2. సంక్రమణ మరియు సంక్రమించని వ్యాధులను ముందుగా గుర్తించడం కోసం జాతీయ ఆరోగ్య కార్యక్రమాల (మలేరియా, టిబి, కుష్టు వ్యాధి మొదలైనవి) అవగాహన కల్పించాలి.

3. మార్గదర్శకాల ప్రకారం టిటి తో సహా రోగనిరోధకత షెడ్యూల్ పూర్తి అయ్యేలా చూసుకోండి.

4. దృశ్య లోపాలను గుర్తించడం కోసం పిల్లల కంటి పరీక్ష కోసం ఆప్తాల్మిక్ అసిస్టెంట్ సహాయం తీసుకోవాలి.

5. పాఠశాల పిల్లలలో పోషకాహార లోపం ఉన్న కేసులను గుర్తించాలి మరియు పిహెచ్‌సి మెడికల్ ఆఫీసర్‌కు కేసులను చూపించాలి. పోషణ మరియు రక్తహీనతపై ఉపాధ్యాయులు మరియు తల్లిదండ్రులకు మార్గనిర్దేశం చేయాలి. స్థానికంగా లభించే ఆహారాల నుండి తల్లులు మరియు పిల్లలకు పోషకమైన ఆహారం గురించి సమాజానికి అవగాహన కల్పించాలి.