ANOTHER DEATH IN CONTRACT EMPLOYEES

Ä̶̡̺̩̣͉n̴̢̡͖͙͉̲̼̈́̔̇̽̋̾o̷̺̞̠̫̹̖̺͛̑̇̽͌̓͂͊t̶͙̣̓͆͗͘̕͜h̷̗̰͈̗͕̙̭̏̃̾̈͜ẻ̵̢̘̠͖̖̬̦̈́̓̎̊̋̇̕͠ͅr̶̢̛͖̰̐͊͊̆̌̈́͗ ̶̨̘̤̠̘̟̺̠̊̐̅͝Ḏ̶̜͙̝̼̝̫̫̗͓̉́̑͆͘͝ë̸̢͓͙̲͈̫̟͇̠̀a̵̦̼͙͍̙̋̌̿͌̄͋̚̚t̷͈̞̜̥͙̲̞͒̄͂͋̆͌͒ͅh̴̻̹̓̽

MANUKONDA PRASAD. MPHA(M)

మరలా మరో మరణం, పశ్చిమ గోదావరి జిల్లాలో T. నరసాపురం ప్రాధమిక ఆరోగ్య కేంద్రం, ఏపుగుంట సబ్ సెంటర్ నందు కాంట్రాక్టు హెల్త్ అసిస్టెంట్ గా పనిచేస్తున్న మానుకొండ ప్రసాద్, MPHA(M) కరోనా పాజిటివ్ తొ ఏలూరు గవర్నమెంట్ హాస్పిటల్లో చికిత్స పొందుతూ మరణించాడు. గత 30 రోజులలో ఇది నాల్గావ మరణం ఈ విధంగా చూస్తే ఎప్పటికైనా రెగ్యులర్ కాకపోతుందా కష్టాలు తిరక పోతాయా అని ఎదురుచూస్తున్న కాంట్రాక్టు ఉద్యోగులకు ఆఖరి ఆశ తీరకుండానే అంతిమయాత్రలకు చేరువవుతున్నారు.

కేవలం రెగ్యులర్ అవుతాము అనే అశతోనే సగం కంటే తక్కువ జీతం వస్తున్నా వేరే అవకాశాలు వస్తున్నా కాదనుకుని 2003 నుండి మెడికల్ అండ్ హెల్త్ డిపార్ట్మెంట్ లో కాంట్రాక్టు ఉద్యోగాలు చేస్తున్నారు. కాని ఎన్ని ప్రభుత్వాలు మారినా కాంట్రాక్టు ఉద్యోగుల జీవితాలల్లో మాత్రం వెలుగు నిండటం లేదు. గత 19 సంవత్సారాలుగా బడ్జెట్ లో మిగులు కనపడటానికి కాంట్రాక్టు అనే కక్కుర్తి విధానం ప్రారంభించి నిధులను వెనకేసుకోవదానికే అని ప్రభుత్వాలు మొగ్గు చూపాయి. ఉద్యోగం రెగ్యులర్ ఉద్యోగం దానిలో పనిచేసే వాడికి జీతం + DA + TA + CCA మరలా ఆరు సంవత్సరాలకు ఒక ఇంక్రిమెంట్ క్రింద చూసుకున్నా ఇప్పుడు కాంట్రాక్టు పద్ధతిలో 28 వేలు జీతం తీసుకుంటున్న వాడికి రెగ్యులర్ ఉద్యోగిగా ఉంటె 50 వేల పై చిలుకు జీతం వస్తుంది. ఇంత లాభం ఉంది గనుకనే కాంట్రాక్టు వాడిని ర్గ్యులర్ చేయడానికి ఎవరికి మనసు ఒప్పడం లేదు.

సరిపడినంత అర్హత లేకుండా రెగ్యులర్ ఉద్యోగంలో చేరినవారికి 3 సంవత్సరాల సమయం ఇచ్చి వారిని తగిన అర్హత సాధించమని వారికి అన్ని అన్ని రకాల భేనిఫిట్స్ అందిస్తున్నారు. కాని అన్ని అర్హతలు ఉన్న కాంట్రాక్టు ఉద్యోగికి మాత్రం అన్య్యయం చేస్తున్నారు. కేవలం ఫండమెంటల్ రూల్స్ లోని తప్పులను అడ్డం పెట్టుకొని మన జీవితాలతో ఆడుకుంటున్నారు. ఒక సాంక్షన్ పోస్టులో సరిపడా వ్యక్తిలేనప్పుడు అక్కడ తాత్కాలికముగా అదే జీతం ఇస్తూ మరో వ్యక్తిని నియమించవచ్చు అనేదానిని ఆసరాగా తీసుకోని రాష్ట్రంలో దాదాపు 50 వేల కుటుంబాలకు అన్యాయం జరుగుతుంది. అయినా రెగ్యులర్ ఉద్యోగులను ఏ విధముగా తీసుకుంటారో అదేవిధముగా తీసుకున్న 7 వేలమంది కాంట్రాక్టు ఉద్యోగులు మన మిదేఇకల్ అండ్ హెల్త్ లో పని చేస్తున్నారు.

డిపార్ట్మెంట్ పెద్దది కావడం అధికారులు అందరు కూడా టెక్నికల్ సిబ్బంది కావడం, సేవ చేయాల్సిన ఉద్యోగ సంఘాలు తమ స్వార్ధం కోసం కేడర్ల వారిగా మెడికల్ అండ్ హెల్త్ ఉద్యోగులను విడగొట్టడం కేడర్ కి ఒక సంఘం ఉంటె మనలను అడిగే వాడు లేడు అని అప్పటి పరిస్థితులకు అనుకూలంగా అప్పటి ఏకచత్రదిపత్యం కలిగిన సంఘం భావించడం వలన మన డిపార్ట్మెంట్లో నిలదీసి అడిగే వాడు లేడు. బతిమాలి తెచ్చేవాడు లేడు. ఈ కాంట్రాక్టు సన్యాసి రెగ్యులర్ అయిపోతే ఎక్కడ నా పదవికి గండం వస్తుందో అనుకునే రెగ్యులర్ ఉద్యోగ సంఘం నాయకులు ఉన్నత వరకు ఎవరో వస్తారు ఎదో చేస్తారుఅని ఎదురు చూడటం ఎందమావిని చూసి కుండలో నిల్లు పారబోసుకున్నట్లే.....

కాంట్రాక్టు లో పని మెడికల్ అండ్ హెల్త్ ఉద్యోగులారా చూస్తూ ఉంటె ముక్కు కోసినా ముందు ఉన్న మొగుడే మంచోడు అనే లాగా ఒక ప్రభుత్వం తరువాత ఒక ప్రభుత్వం చేసే వింతదోరనులు మనలను అంతకంతకు అనగ దోక్కేస్తున్నాయి. ఏ ఒక్క రెగ్యులర్ సంఘం మన విషయం ప్రధాన ఎజెండాగా ముందుకు వెళ్ళదు అసలు ఇప్పుడు ఎప్పటికైనా మా వంతు రాకపోతుందా అని అదురు చూసే సంఘాలే కాని మా పని చేయకపోతే ని అంతు చూస్తాఅనే నాయకులు కరువైపోయారు. మన వారి విషయానికి వస్తే అందరూ కొంగరమల్లన్నలే..... ఇలాంటి పరిస్థితులలో మనం పని చేస్తున్నామా మన బ్రతుకులు ఈ విధమగా తెల్లవారిపోవలసిందేనా అని పౌరషంతో ముందుకు వచ్చే వారు ఎవరు లేరు అదేమీ అంటే 19 సంవత్సరాలలో అంతా చేసేసి చూసేసి కొండలు పిండి చేసేసి ఇలా అయిపోయాయి అని యడవ ఫిలాసఫీ మాత్రం చెప్తారు.

ఎవడు ఎక్కడ చదివినా, ఎవడు కోర్టులో కేసులు వేసుకున్నా, ఎవడు సంఘాల వెనక తిరిగినా, ఎవడు చంచాగిరి చేస్తా అని చెప్పినా మీ ప్రతిభకు 19 ఏళ్ళు గడచిపోయాయి ఇక ఒక్కోకరిగా తిరుగుటపాలు కట్టేస్తున్నారు, నా వంతు ఎప్పుడు వస్తుందా అని ఎదురుచూస్తూ కుర్చుంటారో నేను రెగ్యులర్ అవ్వాలి అని ముందుకు వస్తారో.....

ఊరు వదలి రాలేని, గడప దాటలేని, సెలవు పెట్టలేని, CM తో మాత్రమె మాట్లాడే కాంట్రాక్టు ఉద్యోగులారా ఇది చివరి అవకాశం. ఆంధ్రప్రదేశ్ లోని మెడికల్ అండ్ హెల్త్ డిపార్ట్మెంట్లో పనిచేసే అర్హులైన కాంట్రాక్టు ఉద్యోగులను రెగ్యులర్ చేయించడానికి ఒక Joint Action Committee స్థాపిస్తున్నాము. దీనిలో అందరు కలసి రావాలని కోరుకుంటున్నాము, రాలేని వాడు రెగ్యులర్ విధానానికి వ్యతిరేకి అని అర్ధం చేసుకుంటాం. ఎవడి దారి రైట్ ఎవడి దారి కరక్ట్ అనేది మొదటి మీటింగ్ లో నిర్ణయిస్తాం. Joint Action Committee లోకి నీకంటే ముందు వున్న నాయకత్వం రాకపోతే నువ్వే నడుమకట్టుకో ముందుకిరా.... ఆడలేక మద్దెలు ఓడు అనే వాడికి నీ సత్తా చూపించు.

మరో మరణం సంభవించే లోపుగా మన Joint Action Committee స్థాపన జరగాలని ఆశిస్తున్నాను...